Монгол Улс маань дэлхийд байхгүй харгис татварын тогтолцоотой болоод байна. Яагаад гэвэл хөдөлмөр эрхэлж цалин авбал, эрсдэл хүлээж, хүмүүс цалинжуулвал татвар төлдөг. Харин ямар нэг аргаар хөрөнгөтэй болоод зүгээр сууж байгаад тэр хөрөнгөөсөө орлого олбол татвар төлдөггүй. Дэлхийн жишиг боломжтой нь өндөр ачаа үүрдэг бол Монголд хамгийн ядарснууд нь өндөр татвар төлдөг. Монголын төсвийн орлогын ихэнхийг уул уурхайн орлого үүрч явдаг. Энэ нь хэн ч бий болгоогүй угаасаа өөрөө бий болсон баялаг. Мэдээж үүнийг олж илрүүлэх, ухаж авах, тээвэрлэх зэрэгт хөдөлмөр эрсдэл капитал шингэдэг. Гэхдээ энэ бол олох орлогодоо эзлэх хувь нь тун бага. Энэ нь зөвхөн хуулиар төдийгүй бодит амьдрал дээр хэрэгжиж байгаа байдал нь ийм болгоод байна. Хуулиараа жишээ нь түрээсийн орлого, лиценз, үл хөдлөх зарсан орлогоос татвар авах ёстой боловч татварын байгууллага энэ дээр ажилладаггүй. Татвар хураахад хамгийн амар хэсгээс л буюу тогтмол цалин авдаг хүмүүсээс буюу хөдөлмөрийн орлогоос татвараа авд...